Kalabanan mga Liberals ukon Democrats ang mga nagaprotesta sa gwa sang New York Southern District court nga nagapamatok sa pag-aresto sang US Government kay Venezuelan President Nicolas Maduro.
Sa interview sang Bombo Radyo Bacolod kay Noor Morania, Bombo International News Correspondent derekta sa Houston, Texas, USA, duha ka faction ang nagaprotesta sa gwa sang korte.
Ang mga nagapamatok ang ginabug-usan sang mga Liberals ukon Democrats nga anti-Trump Administration.
Samtang ang mga nagasuporta naman sa pag-aresto amo ang mga Venezuelan nga nagpalagyo sa Estados Unidos bangod sa indi maayo nga pagdumala ni Maduro sa pungsod.
Suno kay Morania, na-indict na si Maduro sa korte sa New York apat ka tuig na ang nakaligad kag may bounty naman nga 25 million US dollars para sa maka-aresto sa iya.
Ang padya ang gindugangan pa sang 15 million US dollars sa Administrasyon ni Trump.
Suno diri, si Maduro ang isa sa magahod nga kritiko ni Trump kag ini ang nanghangkat pa nga siya ang dakpon.
20 naman ka mga US bases sa palibot sang pungsod ang nag-operate sa pagdakop sa Venezuelan President.
Si Maduro ang nakahunong sa karun sa isa ka high security prison, nga ginahamtangan sang mga high profile inmates kaangay sang prominente nga Mexican drug lord nga si Joaquin “El Chapo” Guzman.
Suno diri, madamo na sang mga US President nga wala makasolbar sa Communist era, apang ini ang gina-atubang sang iron hand ni Trump, sa iya kampanya nga “Make America Great Again.”
