Nagsaka na sa 88 million ang numero sang mga Pilipino nga mga nakaparehistro sa idalom sang Philippine Identification System (PhilSys) ID ukon national ID.
Una na nga gintalana sang gobyerno ang 92 million nga numero sang magaparehistro sa idalom nga national ID.
Suno kay Deputy National Statistician Fred Sollestamalapit na nga malab-ot ang nasambit nga numero paagi naman sang padayon nga pagpalapit sang ila nga serbisyo sa mga pumuluyo.
Sa 88 million, natigayon nga mapadala ang tubtob sa 51.5 million nga physical card sa mga tag-iya samtang tatlo ka million naman ang sa karun ginadala sa mga tag-iya.
Sa karun ang may yara naman sang 25 nga digital version ukon mga ID nga mahimo na nga maprint sa mga registration center sang ahensya.
Ang national ID ang ginakabig nga pinakamabakod nga magatudlo sa identity sang mga Pilipino.
