Dismayado ang nagrenta sang kiosko sa Bacolod City Public Plaza bangud wala ang mga ini nakabawi sa ila gingasto agud nga makabaligya kadungan sang selebrasyon sang Masskara Festival.
Suno kay Jason, 97 percent sa ila nga nagrenta sa Bacolod City Public Plaza ang wala gid makabawi.
Suno diri, kun ang iban ang nagbalik yuhom, sila ang nagapangasubo bangud wala nakabawi sang ila gingasto.
Ginpahayag sini nga nabawi lang nila ang ila nga gingasto sa renta apang kulang pa ang ila kita (income) sa pagbayad sa mga tawo nga nagbulig sa ila pulaw bugtaw.
Sa karun batunon nila ang ila mga kapierdihan bangud natapos na ang Masskara Festival.
Dismayado man ini bangud sila ang nagpadala sang sulat sa opisina sang alkalde angot sa request nga mapanubuan ang renta sang Kiosko, apang natapos lang ang Masskara Festival wala man nahatagan sang tikang apisar nga ginpromisahan sila nga hatagan pagtamod sang alkalde.
Nagapanawagan man ini sa opisina sang alkalde nga mahatagan man sila sang bisan nga refund.
Ginpahayag man sini nga turismo lamang ang gintutukan sang organizer sang Masskara apang wala sini ginkonsiderar ang mga tenants.
Nagalaom man ini nga sa masunod nga Masskara Festival lain na ang maga-organize sang event.
Pangabay sini nga dapat pilion ang kabalo nga magpadalagan sang Masskara Festival kag indi lang nga turismo ang tutukan.
