Nagapabilin nga kalmado kag alerto ang mga pumuluyo kag mga Filipinos sa Kuwait ini sa tunga sang paglinupad sang mga missiles sang Iran.
Sa interview sang Bombo Radyo Bacolod kay Bombo International News Correspondent John Randolph Rubin sa Kuwait, padayon lamang sila nga alerto bangud duha na ka adlaw nga sige sige nga nagapalupad sang rockets ang Iran apang na-intercept man sang Kuwait.
Suno kay Rubin sa Kuwait may yara sang lima ka US military bases nga ginalakipan sang Ali Al Salem Air Base; Ahmad al-Jaber Air Base; Camp Arifjan; Camp Buehring; Camp Patriot kag Camp Spearhead.
Suno nga adlaw gintilawan sang Iran nga palupadan sang missile sang missiles ang tatlo ka US military bases nga ginalakipan sang Ali Al Salem Air Base; Camp Arifjan kag Camp Buehring apang wala ang mga ini nagmadinalag-on apisar nga may nakalusot apang kalabanan na-intercept man sang Kuwait.
Dugang pa sini, nagtuyo man ang Iran nga palupadan sang missile sang US Embassy kahapon apang na-intercept man ini.
Suno diri ang tanan nga mga Filipino ang ginapapreparar naman sang ila nga mga kagamitan agud hapos lamang sang mga ini nga maghalin kung kinahanglanon.
Wala man sila sang trabaho bangud duha na ka adlaw nga suspended bangud sa sitwasyon nila sa karun.
Samtang ang Kuwait ang may nagakaigo man nga equipments nga ginagamit agud nga mapabilin nga safe ang mga pumuluyo sa pihak sang nagakatabo sa karun sa Kuwait kag iban pa nga bahin sang Middle East.
Ginpahayag man sang OFW nga ang Iran ang nagatira lamang sang isa ka lugar agud nga makahimo lamang sang damage.
May isa naman ka ginapahayag nga napatay apang wala ginpagwa ang detalye kaangay sang identity.
Bangud sa ginapalupad nga missiles may yara sang mga nasamaran nga ginalakipan sang mga tawo nga yara sa Ali Al Salem Air Base sang maghugpaas ang isa ka drone.
Ang mga Filipinos ang ginaabisuhan nga mag-aligmat kag magsunod lamang sa tanan nga mga pagsulundan nga ginapatuman agud nga mapabilin nga sila ang safe.
