May nabaton na nga inisyal nga bulig ang apat ka mga pulis nga involved sa pagkahulog sang salakyan sa Purok Tuburan, Barangay Pandanon, Salvador Benedicto kapin alas-3:00 sang hapon sang Marso 29.
Madumduman nga walo ang sakay sang salakyan nga ginlakipan sang apat ka pulis kag tatlo ka sibilyan kalakip ang duha ka menor de edad kun sa diin isa ang napatay kag pito ang nasamaran.
Kabahin sa mga biktima sanday Police Corporal Patrick Panganiban, 32 anyos, residente sang Brgy. Alijis, Bacolod City; Police Corporal Jane Claire Batadhay, 29 anyos, residente sang Victorias City; Police Corporal Hazel Motin; Patrolman Calveen Corral; nga lunsay mga katapo sang Bacolod City Police Office.
Sa interview sang Bombo Radyo Bacolod kay Bacolod City Police Officer Director Police Col. Joeresty Coronica, nakagwa na sa ospital ang duha ka police samtang padayon pa nga nagapabulong ang duha.
Suno diri, may nahatag na nga inisyal nga financial assistance sa mga pulis apang ang bulig ang nakadepende sa ila ranggo.
