Generally peaceful ang pagsaulog sang All Saints Day sa syudad sang Bacolod suno sa chief of Operations sang Bacolod City Police Office (BCPO).
Sa interview sang Bombo Radyo Bacolod kay Police Lt. Col. Lester Leada, wala sang reported nga insidente sa sulod sang patyo sa syudad sang Bacolod.
Suno kay Leada, dako man ang pagpasalamat sini sa mga pumuluyo nga nagkooperar man agud mapabilin ang kalinong kag katawhay sa pag-obserbar sang All Saints Day.
Suno diri, may yara naman sang ginkumpiskar nga pila ka mga ginagamit sa pagpaninlo sa patyo kaangay sang sudsod.
Ginpahayag man sini nga wala man sang nagpamalibad bangud ginapaathagan sang mga kapulisan kun ngaa indi ini mahimo nga dal-on ang nasambit nga bagay bangud adlaw na ini sang pagduaw kag indi na dapat magdala sang mga nasambit nga bagay.
Ginpasalamatan man ni Leada ang tanan nga mga force multipliers nga nagbulig man sa mga kapulisan nga magpabilin kag kalinong kag katawhay.
Ginapahayag man nga tubtob sa Nobyembre 4, ang deployment sang mga kapulisan apang magalibot lamang ang mga ini sa mga sementeryo.
