Naga-inom na lamang sang mahigko nga tubig kag nagakaon sang feeds sang mga sapat ang mga pumuluyo sa Gaza santo sa monitoring sang World Health Organization kag naghingyo sang dugang nga aid access sa teritoryo.
Nagpaandam man si Hanan Balkhy, ang Eastern Mediterranean regional director sang World Health Organization nga ang gyera sa tunga sang Israel kag Hamas ang nakaangkon sang isa ka knock-on impact sa healthcare sa palibot sang rehiyon.
Suno diri, ang impact sa mga kabataan ang makaangkon sang malawig nga epekto.
Sa sulod sang Gaza, may mga pumuluyo na nga nagakaon sang pagkaon para sa mga sapat, nagakaon sang hilamon kag nagainom sang mahigko nga tubig.
Daw haluson naman nga makakaon ang mga kabataan samtang ang mga trucks ang yara lamang sagwa sang Rafah.
Matapos ang pag-atake sang Hamas sang Oktubre 7, ang ground offensive nga ginpatigayon sang Israel ang nakapatay na sang indi magnubo sa 36,550 ka mga persona sa Gaza, kalabanan mga sibilyan, suno sa health ministry sang teritoryo.
