Wala nagaselebrar sang Christmas ang mga pumuluyo sa Israel bangud ang religion sang mga ini ang Jewish kag wala sila nagapati nga nabun-ag si Ginoong Hesus bilang manluluwas.
Sa interview sang Bombo Radyo Bacolod kay Lina Diamante, Bombo International News Correspondent direkta sa Israel, sila lang nga mga Filipino ang nagaselebrar sang Israel.
Suno kay Diamante nagakadto sila sa Bethlehem kun sa diin ginbun-ag si Ginoong Hesukristo kag didto makita ang pasunggan kun sa diin nagbata si Birhen Maria.
Makita man didto ang bato kun sa diin ginlansang si Hesus.
Suno diri tuman kanami sa pamatyagan kun yara sa ka sa Bethlehem.
Ang mga Filipinos sa Israel ang nagatambong man sa Simbang gabi.
May yara man sila sang Christmas party kag nagaluto man sila sang mga nakaandan nga pagkaon.
Indi man sila mahidlaw sang pagkaon sa Pilipinas bangud may yara sila sang ginakadtuan nga lugar agud nga makaon ang mga Filipino food nga luyag nila kan-on.
