Ginbalik na sang Bacolod Traffic Authority Office (BTAO) ang mga railings sa dalanon nga temporaryo nga ginpamalos kasunod sang road closure kag rerouting nga ginpatigayon kadungan sa Masskara Festival 2022 celebration.
Suno kay BTAO Head P/Maj. Junji Liba, ang mga railings nga nahamtang sa 6th Street sa dalan Lacson kag Lopues East ang ginabutang agud malikawan ang road obstruction kaangay sang mga nagabayolar sa “no left-turn” kag “no u-turn” nga mga traffic rules.
Paathag sini nga nagbutang sila sang railings sa tunga sang duha ka lane bangod indi mahangpan ang flow sang trapiko sa lugar bangod sa mga bisan diin lang nagaliko nga mga salakyan.
Kaangay man sa mga gikan sa Bacolod City Government Center (BCGC) nga nagapinagusto lang sang left turn bisan pa nga ginadumilian nga nagaresulta sa pag-inagaway sang linya.
Paathag ni Liba nga kun butangan lamang sang mga ini sang traffic enforcers ang nasambit nga mga area, bangod sa kakulang sang personnel, ini man sang mga ini ma-atinder ang nasambit nga mga dalanon gani nagbutang sang mga baral agud nga maminimize ang congestion sang mga salakyan.
Apang sang damlag lang, ang mga railings ang ginpangpalos kag gingamit para sa road closure sang Masskara Festival 2022.
Pasalig ni Liba nga ginpangbalik na ang nasambit nga mga railings sa orihinal nga ginahamtangan agud nga mapabilin ang matawhay nga dalagan sang trapiko.
