Nagabantay ang mga Senador sa mangin pahayag sang House of Representatives natuhoy sa issue bilang miyembro sang impeachment court nga magapatigayon sang trial ni Vice President Sara Duterte.
Suno kay Senator Tito Sotto, may legal opinion ini nga nabaton nga posible ipaiway ang desisyon sang Korte Suprema, apang luyag sini nga tun-an ini sang mas maayo.
Samtang, hugot naman nga nanindugan si Senator Bam Aquino nga dapat padayunon ang impeachment trial.
Ginhighlight ni Aquino ang pagkaco-equal branch sang Senado kag ang maathag sini nga mandato sa Konstitusyon.
Suno diri, dapat irespeto ang proseso sang impeachment bilang kabahin sang gahom sang institusyon.
Nagpanawagan si Aquino sa iya kaupod nga mga Senador nga magpatigayon sang caucus agud istoryahan ang desisyon nga daw kaangay nga wala ginahatagan pagtamod ang ila constitutional mandate.
