Ginkumpirmar sang pinuno sang 303rd Infantry Brigade sang Philippine Army nga may narecover sang 94th Infantry Battalion ang war materials sa syudad sang Himamaylan, Negros Occidental sang Hwebes, Setyembre 22.
Sa interview sang Bombo Radyo Bacolod kay Brigadier General Inocencio Pasaporte, nakuha sang tropa sang 94th Infantry Battalion sang nasambit nga mga explosives kag bala sa Sitio Double Yarding, Barangay Maalang, Himamaylan City.
Suno kay Pasaporte, nakuha sang tropa ang war materials bangud man sa impormasyon nga nahatag sang mga contacts sang mga NPA sa nasambit nga lugar nga ginpadangat man sa tropa.
Ginpahayag man sini nga ang war materials ang nakuha man kasunod sang mga impormasyon nga ginhatag sang mga NPA nga surrenderers.
Nakuha sang tropa ang anti-personnel mines, duha ka anti-tank mines, kag 1,932 rounds sang .30 Cal Machine gun sa ginapatihan nga gin-abandunar nga kampo sang terrorista nga New People’s Army (NPA).
Suno diri, ang mga war materials ang makapahagan-hagan sa pangterorize sang NPA kag mahagan-hagan man ang panghalit sa improvised landmines nga nakuha sang tropa kasubong man sa mga pumuluyo sa lugar kun naglupok ini.
