Ginmobilize man sang pamunuan sang 303rd Infantry Brigade sang Philippine Army ang mga suldado sa Negros Occidental kag pila ka bahin sang Negros Oriental agud magpatigayon sang humanitarian assistance sa mga naapektuhan sang pagbaha bangud sa mga pag-ulan dala sang Bagyo Paeng.
Sa interview sang Bombo Radyo Bacolod kay Brigadier General Inocencio Pasaporte, commander sang 303rd Infantry Brigade sang Philippine Army, nagbulig ang mga suldado sa pagpaevacuate sa mga nabahaan kag nagpatigayon man sang humanitarian assistance sa mga evacuees sa sentro sang syudad sang Himamaylan.
Suno kay Pasaporte, sa bilog naman nga probinsya, may yara man sang effort ang 79th IB sang Philippine Army sa pagbulig sa mga nabahaan bangud sa ulan nga dala ni Bagyong Paeng sa north negros; 62 IB sa central negros kasubong man ang 94th IB sa banwa sang Isabela bangud nga nagsaka man ang lebel sang tubig.
Ginmobilize man ang reservist sa pag-repack sang food items para sa mga evacuees nga naapektuhan sang makusog nga ulan nga dala ni Bagyong Paeng.
