Mga suspek nga nagluthang sa Barangay Kagawad sa Barangay Santa Rosa, banwa sang Murcia, nasiplatan nga pila ka oras nagbantay sa pag-abot sang biktima

Nasiplatan sang pumuluyo sa Barangay Santa Rosa, banwa sang Murcia ang pagbantay sang apat ka suspek sa pag-abot ni Barangay Kagawad Joearnel Gawan nga ila ginluthang.

Sa interview sang Bombo Radyo kay Alyas Nene, timprano pa sang aga sang nasiplatan sini ang mga suspek nga nagatambay kag naga-esturyahanay.

Suno diri, pila ka oras nga naghulat ang mga suspek tubtob nga nag-abot si Gawan.

Suno kay Nene, tuman ang iya kakibot sang makabati sang lupok apang wala man ini sang may nabatian nga komosyon.