Nagpasaka sang kaso nga cyberlibel ang beauty queen nga si Michelle Dee batok sa internet personality nga si Xian Gaza kag sa apat pa ka mga facebook page sa pagpalapta sang false information batok sa iya.
Suno sa abogado ni Dee nga si Atty Maggie Garduque, halos adlaw-adlaw madamo sang mga false onfirmation ang nagagwa batok sa beauty queen.
Samtang sa isa ka Facebook post, ginlaragway ni Gaza ang pagpasaka sang kaso ni Dee bilang “strategic” bangud suno diri, ini ang pamaagi sang beauty queen agud nga mabaliskad ang atensyon sa iya imbes sa driver nga gina-alegar ila nga gin-detain kag ginsakit.
Dugang pa ni Gaza nga ini ang pamaagi agud ang mga headline sang mga balita na magagwa mangin Michelle Dee vs Xian Gaza kag ang beauty queen naman subong ang biktima sa sitwasyon.
Madumduman nga gin-akusaran si Dee, ang actress nga si Rhian Ramos kag beauty queen nga si Samantha Panlilio sa pagpanakit kag illegal dentention sa driver ni Ramos nga ila ginapahayag nangawat sang isa ka “angpao” nga naga-unod sang sensitibo nga mga laragway.
