Naghatag sang mensahe ang monghe sa Yuan Thong Temple sa Bugos St, Bacolod City subong nga Chinese New Year.
Sa interview sang Bombo Radyo kay You Huii Shih, ang tema sa karun amo ang ‘Hamrony and co-existence, galloping towards success’.
Suno diri, tanan dapat magtinguha nga magtrabaho para sa success nga dapat may yara sang harmony kag co-existence.
Sa harmony, dapat ang tawo may kalinong para makakuha ini sang kaalam, kalipayan kag pagpalangga nga mahatag niya sa iya kugalingon, pamilya, abyan, komunidad, kag pungsod.
Sa co-existence naman, tanan nga tawo interconnected sa kada isa amo nga indi malikawan ang tanan kag ang palibot.
Bangod sini, suno kay Shih dapat mangin malimpyo ang palibot kag magpati sa kaugalingon nga malab-ot ang mga handom.
Mensahe sini, maghimo sang maayo, maghambal sang maayo kag maminsar sang maayo.
