Motor tanker nga ginkargahan sang molasses nga nag-awas sa baybayon sang Sagay, ginmultahan

Ginmultahan sang city government sang Sagay ang M/T Mary Queen of Charity angot sa nag-awas nga molasses nga naglapta sa baybayon sang ciudad.

Sa interview sang Bombo Radyo kay Bobby Togle, Sagay Marine Reserve resource assessment head, 800 metric tons ang sarang nga makarga sa tanker.

Suno kay Togle, wala naula ang nagikan sa tanker truck kundi nag-awas ang molasses.

Dugang pa sini nga diutay lang kag indi gid man delikado ang molasses nga wala man nagdugay sa baybayon bangod nga natunaw man ini.

Panugyan ni Togle nga maghalong sa pag-load sang mga products kaangay sang molasses kag oil agud nga wala sang problema kag wala sang may mahalitan.