Patay ang 24 anyos nga driver sang motorsiklo matapos aksidente nga malapakan sang Cargo Truck ang iya nga ulo sa Purok Neptune, Bagong Dalan, Brgy Singcang-Airport, Bacolod City kahapon sang aga.
Sa imbestigasyon sang traffic investigator sang Bacolod Traffic Enforcement Unit, parehas ang dereksyon sang cargo truck kag sang nagasunod nga motorsiklo.
Ang motorsiklo ang ginadala sang biktima nga si Crister Arzaga, 24 anyos samtang angkas sini ang iya 68 anyos nga iloy nga si Lolita Estaniel lunsay residente sa nasambitan nga lugar.
Nahibaluan nga si Arzaga ang nagtuyo nga mag-overtake sa cargo truck nga ginamaneho ni Nicolas Mancao Jr., 26 anyos, residente sang Sitio Aw-a, Sta. Catalina, Negros Oriental.
Apang sang magtupong na nawala nga bahin sang truck, aksidente nga nasangit si Arzaga sa kahoy kag natumba gani nalapakan ang ulo sini sang likod nga royda sang cargo truck
Ang biktima ang gindala pa sa ospital apang gindeklarar nga dead on arrival.
May-ara naman sang inisyal nga settlement sa tunga sang pamilya sang biktima kag sang driver sang truck.
