Nagpanawagan si Msgr. Felix Pasquin sang Our Lady of Candles Parish sa publiko nga indi madulaan sang paglaom sa pihak sang kabudlayan sa kabuhi bangud sa COVID pandemic kag iban pa nga pagpanghangkat nga ginaatubang.
Sa homily ni Pasquin kadungan sang ulihi nga adlaw sang Dawn Masses ukon Aguinaldo Masses kaina sang kaagahon, ginpanginbulahan sini ang nakakumpleto sang 9 mornings halin sang Disyembre 16 kun sa diin ginahatagan sang kadungganan si Birheng Maria.
Ang ulihi nga adlaw sang Simbang Gabi suno kay Pasquin ang nagapatunda sa mga tumuluo nga nagapamanag-banag na ang bag-o nga adlaw, walay sapayan sang status sa kabuhi.
Aminado ang pari nga madamo sang mga Pilipino nga nagapanghakroy sa kabudlay sang pagpangabuhi bangud sa COVID kag nagpahayag nga labi nga nag-usmod ang kabuhi.
Apang ang Pulong sang Ginuo suno kay Pasquin ang nagasiling nga may yara kita sang bag-o nga kabuhi kag ang Diyos ang aton masaligan, anuman ang problema nga ginaatubang bangud siya ang paglaom sang pagsugod liwat.
Nagalaom si Pasquin nga kaangay sang mga tawo nga nasunugan ukon nagaatubang sa anuman nga kabudlayan sa kabuhi, makaangkon ang tanan sang paglaom kag ang kabudlayan subong nga 2020 ang makahatag gihapon sang paglaom para sa 2021.
