BACOLOD CITY-Ginpahanugutan na sang ciudad sang Bacolod nga mag-diskarga sang abono sa Bredco Port ang MV Unicorn Bravo nga cargo vessel nga may yara sang travel history sa Xiamen, China.
Ini ang kasunod sang pagpagwa sang Executive Order No. 12 nga naga-modify sang EO No. 11 nga una ginpapanaog sang alkalde nga nagadumili sa mga foreign cargo vessels nagikan sa China, Hong Kong kag Macau nga magdungka sa pantalan sa ciudad.
Ang cargo vessel ang may yara sang 19 ka mga crew nga ginalakipan sang 15 ka mga Chinese nationals kag apat naman ang naghalin sa Myanmar.
Suno kay Coast Guard Station Negros Occidental commander Col. Jansen Benjamin nga nag-sugod na sa pag-unload sang mga abono ang nasambit nga cargo vessel kahapon kag ginapaabot nga magalawig ini sang tatlo ka adlaw.
Nagpasiguro naman ini nga nag-deploy ang PCG sang mga personnel sa area agud magbantay sa MV Unicorn Bravo 24/7.
Gin-athag man sini nga wala pa sang may nakatalana nga mga barko nagikan sa China nga magadungka sa mga puerto sa Bacolod.
Cargo vessels nagikan sa Vietnam kag Thailand pa lang ang may yara sang notice of arrivals.
