Nakumpiskar sang 15th Infantry Battalion (15IB) sang Philippine Army ang pila ka personal nga kagamitan sang mga remnants sang South Western Front (SWF) sang New Peoples Army sa nagluntad nga engkwentro sa So Lomboy, Brgy Caliling, Cauayan, Negros Occidental, kahapon alas- 11:50 sang udto.
Sa inetrview sang Bombo Radyo kay battalion commander Lt Col Robert Maduli, nagreport ang mga residente nga may yara sang armado nga grupo nga nagapangayo sa ila sang pagkaon kag ini ang ila gin-verify.
Suno diri, nagdugay sa tatlo ka minutos ang engkwentro batok sa ginabanta masobra tatlo ka NPA kag nagapasalamat ini nga wala sang may napilasan ukon casualty sa militar.
Suno kay Maduli, padayon ang pursuit operation para madakpan ang mga NPA.
Mensahe ni Maduli sa pumuluyo nga indi mahadlok bangod nakahibalo ang kasuldadohan sang ila trabaho.
