Halos nagakaagnas na ang bangkay sang isa ka lalaki sang nasapwan sa Bago River sa bahin sang Barangay Lag-asan, Bago City, Negros Occidental, Nobyembre 17, 2025.
Sa interview sang Bombo Radyo Bacolod kay Police Captain Bonifacio Galvez Jr., Deputy Chief of Police for Administration sang Bago City Police Station, ang bangkay sang lalaki ang nasapwan sang nagapangisda sa nasambit nga suba.
Suno kay Galvez, wala pa matumod ang biktima kag nagahapa ini sang nasapwan.
Ini ang nagasuksok sang t-shirt nga itom kag shorts nga itom, may yara man ini sang ginasuksok nga silver nga bracelet sa natuo nga kamot.
Ang bangkay ang yara na sa punerarya sa ciudad sang Bago.
Nag-coordinate man sila sa malapit nga police stations bangud wala man sang reported nga missing person sa ila nga lugar.
Ang biktima ang ginabanta nga may kataason nga 5’4 tubtob 5’7 kag nagaedad sang late 30s ukon 40s.
Ginapanawagan man sini sa kun sin-o ang may himata nga wala nakapauli makig-angot lamang sa Bago City Police Station agud nga mabuligan sa pagtumod sa biktima.
