Dyutay lamang ang mga nagapa-rehistro sa Comelec Bacolod sa Main Atrium, Robinsons Place Bacolod apisar sa nagahilapit na nga deadline sang registration.
Sa interview sang Bombo Radyo kay Atty Kathrina Trinio Cania, City Election Officer, Comeleec Bacolod, nagalaum na sila nga madutay nalang ang magaparehistro bangud madamo na sila sang may nakadtuan nga eskwelehan kag mga barangay.
Suno diri, gnabanta yara sa 200 tubtob 250 ka mga applicants ang nagparehistro kada adlaw.
Suno kay Cania, magapadayon ang voter registration bwas, May 15, May 16, kag magatakop sa Mayo 18, alas-8:00 sang aga tubtob alas-5:00 sang hapon.
Paathag sini nga kun mahimo nga aga pa magkadto bangud kinahanglan gid hatagan sang time ang magparehistro bangud madamo pa sang fill-upan.
Ginpahayag sini nga may 16,000 na ang approved applicants humalin sang April 21 samtang may masobra 5,000 pa nga pending applications kag may kabug-usan nga 356,603 ka mga registered voters sa ciudad.
Panugyan ni Cania sa maga parehistro nga ipreparar kag kompletohon na nga daan ang mga reguirements agud indi ma-delay kag tayuyon ang pagparehistro.
