Nagdangat sa kapin 1.5 million ka mga persona ang nagtambong sa massive rally sang Iglesia ni Cristo sa Quirino Grandstand kag malapit nga mga areas nga suno sa sekta, wala sang kaangtanan sa pulitika kundi pagpakita lamang sang suporta sa panindugan ni President Ferdinand Marcos Jr. nga indi sini luyag nga i-impeach si Vice President Sara Duterte.
Suno kay INC spokesperson Edwil Zabala, makabig nga moral kag indi political ang ila ginpatigayon nga rally.
Magluwas sa Quirino Grandstand, simultaneous man nga ginpatigayon ang pipila ka mga rallies sa 13 ka mga sites sa palibot sang pungsod.
Nanindugan man si Zabala nga wala sang may gina-endorso nga persona ukon politiko ang religious group.
Suno sa iya, ang rally ang bukas sa publiko kag wala nag-imbita ang religious group sang specific nga persona ukon grupo nga makigbahin sa event.
