Sa tion nga magkuha kita sang pasinawan ukon exam atun ginatinguhaan nga indi kita makakuha sang zero ukon itlog apang ano ayhan ang imo batyagon kun ikaw ang nagpapili agud makaserbisyo sa publiko kag wala gid bisan isa ang nagboto sa imo? Masakit ang nangin kapalaran sang isa ka lalaki sa Canada matapos nga mangin labing-una nga kandidato sa kasaysayan sang pungsod nga makabaton sang zero votes matapos magpadalagan sa federal election.
Si Félix-Antoine Hamel ang isa sa mga 84 ka mga kandidato nga nagpadalaga sa elections sa Toronto, Canada.
Ini matapos siya kag ang 76 ka iban pa ang ginpalapitan sang election reform group nga Longest Ballot Committee, nga nagpuno sa karera sang mga kandidato kag madinalag-on nga nakahimo sang
longest ballot sa kasaysayan sang Canada.
Si Hamel lamang ang nagaisahanon nga kandidato nga nagpadalagan nga nakabaton sang zero nga boto.
Suno kay Hamel, bisan siya ang wala nagboto sa iya kaugalingon bangud siya ang indi man residente sang Toronto, gani indi ini eligible sa pagcast sang boto.
Ginkumpirmar sang database sang Library of Parliament database nga si Hamel ang labing-una nga kandidato sa kasaysayan sang pungsod nga napaslawan nga makabation sang bisan isa nga boto sa contested election.
Ang iban nga kandidato ang nagpadalagan sa uncontested races kag nagdaog bisan wala sang boto.
