Pito ka mga persona ang kumpirmado nga nagkalamatay samtang duha ang nagapabilin nga missing matapos ang paglaslas ni Bagyo Ramil.
Suno sa National Disaster Risk Reduction and Management Council (NDRRMC), lima sa mga fatalities ang narekord sa Calabarzon samtang ang duha naman ka nagkalamatay kag duha ka missing ang nagikan sa Western Visayas.
Ang bagyo ang nakaapekto sa kapin 173,000 ka mga persona kag 6,199 ang nagatinir sa karun sa nagkalain-lain nga lokasyon.
2,260 ka pamilya ang nagapabilin sa 166 ka evacuation centers.
Indi naman amgnubo sa 58 ka mga seaports ang nagapabilin nga non-operational.
Agud magbulig sa mga naapektuhan sang bagyo, ginpahayag sang Department of Social Welfare and Development nga nakarelease ini sang kabug-usan nga P5.4 million nga humanitarian assistance sa mga indibidwal kag pamilya nga apektado.
