14 ang panibag-o nga nagpositibo sa ciudad sang Bacolod samtang apat naman ang nagdugang sa probinsya sang Negros Occidental.
Santo sa Department of Health (DOH) Region 6 COVID-19 Case Bulletin No. 116, ang nagdugang sa Bacolod City ang ginalakipan sang 52 anyos nga babayi, 29 anyos nga lalaki, 28 anyos nga lalaki, 30 anyos nga lalaki, 26 anyos nga babayi, 53 anyos nga babayi kag 50 anyos nga babayi nga lunsay mga locally stranded individual (LSI) kag yara sa quarantine facility.
Nagdugang man ang 64 anyos nga babayi kag 25 anyos nga lalaki nga lunsay mga repatriated overseas Filipino workers (OFWs) kag yara naman sa quarantine facility.
Samtang ang 24 anyos nga lalaki, 34 anyos nga babayi kag 39 anyos nga lalaki ang nagdugang man apang wala pa mahibaluan ang status kag yara sa karon sa quarantine facility.
Ang 23 anyos nga lalaki kag ang 25 anyos nga lalaki naman nga wala man nahibaluan ang status ang yara sa karun sa home quarantine.
Samtang nagdugang naman sa COVID-19 positive sa probinsya sang Negros Occidental ang 32 anyos nga babayi nga residente sa Himamaylan City, 33 anyos nga lalaki nga residente sa banwa sang EB Magalona, 27 anyos nga lalaki nga residente sa Victorias City kag ang 33 anyos nga babayi nga residente sa banwa sang Toboso nga lunsay mga repatriated OFWs kag nagapaidalum sa facility quarantine.
May-ara naman sang 10 nga mga nakarecover sa balatian sa probinsya.
Sa karun nagdangat na sa 797 ang kabug-usan nga kaso sang COVID-19 sa Western Visayas nga may 34 ka new cases kag isa diri ang naka-tag sa iban nga rehiyon.
311 naman ang mga aktibo nga kaso, 471 ang nakarecover nga may 58 ka panibag-o samtang 15 ang nagtaliwan bangod sa isa nga nagdugang.
Sa karun, yara na sa 272 ang kabug-usan nga kaso sang COVID-19 sa Negros Occidental samtang 92 naman ang sa ciudad sang Bacolod.
