Narecord nga firecracker-related incident sa Negros Occidental, nagsaka sa 79

Nagsaka na sa 79 ang firecraker-related incidents nga narecord sang kapulisan sa Negros Occidental matapos ang pagsug-alaw sang bag-ong tuig.

Sa interview sang Bombo Radyo kay Police Captain Judesses Catalogo, Public Information Office sang Negros Occidental Police Provincial Office, nagsaka na sa 70 ka mga indibidwal ang biktima sang mga palupok samtang 90 porsyento naman ang outpatient na.

Suno kay Catalogo, kalabanan sang mga biktima ang nasamaran sa kamot, bangud sa gina-uyatan nila nga mga palupok.

Suno diri, isa ka government employee sa banwa sang Pontevedra ang nakumpirmar nga nautod ang tudlo bangud sa palupok.