Nagdangat na sa 40 ang numero sang mga napatay sa paglugdang sang MV Trisha Kerstin 3 sa Basilan matapos marekober sang mga otoridad ang tatlo pa gid ka bangkay sang mga pasahero.
Suno sa Philippine Coast Guard (PCG), ang nakarekober sang mga bangkay amo ang lokal nga pamunuan sang Hadji Muhtamad partikular sa Baluk-Baluk Island, samtang ang isa naman ka bangkay ang nakita sa Lantawan Island.
Gilayon nga gindala sa Zamboanga City ang mga bangkay para sa identification kag sa nagakaigo nga disposisyon.
Samtang, ginpasiguro sang Maritime Industry Authority (MARINA) nga ipaidalom nila sa imbestigasyon kag review ang mga nangin pahayag sang mga survivors sa insidente nga may kulang sa mga life vest, mga nadula nga mga pangalan sang mga pasahero kag ang impormasyon nga ang barko ang gina-alegar nga isa lamang ka replacement.
