Balik na sa normal nga operasyon ang talatapan sang National Bureau of Investigation (NBI)-Bacolod City matapos nga temporaryo sila nga nagsirado kasunod sang pagpositibo sa COVID-19 sang lima ka mga empleyado sini sang nagligad nga semana.
Sa interview sang Bombo Radyo Bacolod kay Atty. Renoir Baldovino, pinuno sang NBI-Bacolod, ginpahayag sini nga nagresume na sila sa operasyon kahapon.
Mas ginpahugot kag ginpa-istrikto pa gid nila ang minimum health protocols nga ginapatuman agud malikawan ang paglapta sang virus.
Sa mga may yara sang transaksyon sa amo nga opisina, gina-abisuhan sila nga magluwas sa pagsuksok sang face mask, face shield, social distancing kag hand washing indi pa gid sila dapat mag-istoryahanay sang mga tupad nila.
Suno kay Baldovino, timprano pa sila nagabukas bangud nga madamo sang nagaproseso sang NBI clearances.
