Ginkumpirmar sang National Task Force to End Local Communist Armed Conflict (NTF-ELCAC) nga kalakip ang duha ka Filipino-American sa 19 ka napatay sa Barangay Salamanca, Toboso,Negros Occidental.
Ginkilala ang mga ini nga sanday Lyle Prijoles kag Kai Dana-Rene Sorem.
Suno sa NTF-ELCAC, si Prijoels ang konektado sa Anakbayan USA halin pa sang 2012 kag nag-abot sa pungsod subong nga tuig kaupod si Sorem.
Bangud sini, nagakabalaka ang task force sa pagkalakip sang mga foreign nationals sa mga lokal nga armado nga grupo.
Nagpalab-ot man sang pakig-unong ang NTF-ELCAC sa mga pamilya sang nagtaliwan nga mga American nationals.
Nahibaluan nga 19 ang napatay sa nagluntad ang engkwentro sa tunga sang New People’s Army (NPA) kag mga militar sa nasambit nga banwa kun sa diin lakip diri ang isa ka student activists, journalist kag researchers.
