Wala nagapati ang pinuno sang National Bureau of Investigation-Bacolod nga may kaangtanan sa illegal nga druga si Agent William de Arca bangud ang operasyon ginapangunahan sini ang batok sa iligal nga sugal.
Sa interview sang Bombo Radyo Bacolod kay Atty. Renoir Baldovino, kaina sang kaagahon nasapwan ang sako kun sa diin nakasulod ang H&M nga bag nga ginsudlan sang utod nga nawala nga kamot; nawala nga tiil kag pares nga dulunggan kag ginbilin sa kilid sang salakyan sang NBI
Suno kay Baldovino, ginreport sang NBI staff sa iya nga may nasapwan nga sako nga may unod nga sa parte sang lawas sang tawo gani ginpareport niya ini sa police.
Suno diri, sang gintsekyar sang mga kapulisan, may nakasulat sa bag nga “William De Arca protector ni Hanz Lopez ang druglord” kag nakita nga frozen ang nasambit nga body parts
Ginpahayag man sini nga wala pa ini nakahibalo kun ano ang rason sang nagbilin sang sako sa dalom sang salakyan sang NBI nga nakapark sagwa sang ila nga opisina.
Suno kay Baldovino, mahimo nga ginhingabot si De Arca agud nga gub-an bangud top performing agent ini sang nasambit nga ahensya.
Suno diri sa pito sini ka tuig nga nagapungko nga pinuno sang NBI-Bacolod wala ini sang nabaton nga impormasyon nga naangot sa illegal nga druga si De Arca kag nagpanindugan ini nga maayo ang record sang NBI personnel.
