Ginalantaw ni National Bureau of Investigation Director Melvin Matibag ang posibilidad nga may yara pa sang 20 ka indibidwal nga magagwa kag magapakilala agud magtestigo bilang gina-alegar “bagmen” ni anay Ako Bicol Partylist Rep. Elizaldy “Zaldy” Co.
Suno diri, may yara sang ginapatihan 103 ka tawo ang na-recruit para sa nasambit nga operasyon.
Magluwas sa 103, 38 ang nagpahanugot, nalakip na ang 18 ka mga anay Marines nga nauna na nga nagpakilala, gani posible nga may 20 pa ka tawo ang maggwa.
Gin-paathag sang NBI nga indi tanan sa 103 ang katapo sang Marines, bangud ang iban diri amo ang mga driver kag sibilyan.
Madumduman nga nauna na nga ginpakilala ni Atty. Levito Baligod ang 18 ka indibidwal nga naghambal nga nagserbe sila bilang bagmen sang gina-alegar P805 bilyon nga kickback naggikan sa mga maanomalya nga flood control projects.
