Wala na matabangan pa ang isa ka negosyante matapos gintiro sang wala makilal-an nga suspetsado sa Barangay 40, Bacolod City kahapon sang hapon.
Ang biktima nga ginkilala nga si Michael Garcia ang nacorner mismo kag gintiro sang suspetsado sa sulod mismo sang compound sang ila balay.
Nakaangkon ang biktima sang igo sang bala sa sag-ang kag dughan nga gintuna-an sang iya kamatayon.
Sa interview sang Bombo Radyo Bacolod sa tiya sang asawa sang biktima, wala sini nakita ang pagluthang sa biktima bangud nagkadto ini sa kusinera agud tsekyaron ang ginaluto nga pamahaw.
Nakabati ini sang tatlo ka lupok sang armas-luthang, gani ginlantaw sini sa pagpinsar nga kuryente ang naglupok bangud may ginpakay-o ang biktima sa electrician.
Suno sa tiya sang asawa ni Garcia, nakita pa sini nga ginpulot sang gunman ang magazine sang armas-luthang ginapahayag isa ka pistola matapos nahulog sang gintapi sang electrician sang ginhambalan ini sang suspek nga “maano ka, maintra ka man di”.
Wala man sini makita ang pag-usmod kag pagdala sa ospita sang biktima apang ini ang wala na matabangan pa.
Ang suspetsado ang nagasuksok sang helmet kag nagpalagyo man sa wala mahibaluan nga direksyon sakay sa motorsiklo.
Suno diri, maayo nga tawo ang bana sang hinablos sini kag wala ini sang masaway bangud pamilya na ang pagkabig sini sa ila nga tanan.
Pahayag man sini nga kumpiyansa sila nga nga pabay-an nga bukas ang gate bangud wala man sila sang may nahibaluan nga may kaaway ang biktima.
