BACOLOD CITY — Kampante ang candidate number 16 sa Binibining Pilipinas 2018 nga masarangan sini nga malampuwasan ang pageant.
Sa exclusive interview sang Bombo Radyo Bacolod kay Annalita Vizcarra sang Barangay Cansilayan, Murcia, Negros Occidental, ginpahayag sini nga todo na ang iya preparasyon para sa pageant.
Ini ang ginalakipan sang no salt kag no sweet diet, pag-exercise kag husto nga pagrampa.
Kumpyansa man ang 23-anyos nga model nga masarangan niya ang question and answer portion, sa bulig man sang iya mga trainors.
Apang wala pa ini nakadesisyon kun maga-intra siya sa talent competition.
Suno diri, dugang pa ini sa iya nga preparahan.
Sa karon, ginatutukan sini ang question and answer kag ang pagrampa.
Confidential naman ang designer sang gown ni Vizcarra.
Ang Binibini #16 ang may yara sang advocacy natuhoy sa awareness sang publiko sa mental health disorder nga suno sa iya, indi lamang nagaluntad sa mga katigulangan kundi pati naman sa mga kabataan.
