Nagchampion ang isa ka Negrense nga katapo sang Philippine Army sa World Obstacle Course Race nga ginpatigayon sa Mount Everest sa Nepal sang Nobyembre 8 tubtob 22.
Suno kay Army Staff Sgt. Andrico Mahilum, sadto paman idolo na sini ang bugal sang Negros nga si Mario Castro, isa ka marathonist kag karun coach na sa Philippine Team.
Siya ang kabahin na sa Philippine Army sang mag-umpisa sa sports kag sa karun ini ang nakadestino sa Special Service Center sa Fort Bonifacio.
Paathag ni Mahilum nga siya ang nag-umpisa sa Road Running.
Apang sang magpandemic, naghuyang ang Road Running tubtob sa nagbaylo ini sa Spartan Race.
Gintestingan niya ang nasambit nga sport bangod ini ang mas malapir sa ila military training.
Tubtob nga nagpatigayon sang try out para sa National Team sang Obstracle Course sang 2021 nga amo ang magacompete sa World Obstacle race sa Mt Everest sa Nepal, kun sa diin siya ang nag-top sa try out.
Sa kompetisyon nga ginpasakupan sang 14 ka pungsod, tatlo naman sila nga mga Filipino ang nakapasakop kaupod sang duha ka babayi.
Aminado si Mahilum nga ini ang iya labing una nga pagpasakop sa altitude obstacle race.
Apang antes sila ginpadala sa Nepal, sila ang nagtraining man sa Baguio agud maka-adjust sa temperatura kasubong man sa Mount Apo nga may mataas nga altitude.
Paathag sini nga ang Obstacle Course Race ang ginalakipan sang duha ka kilometros nga obstacle course kaangay sang paghakwat sang mabug-at nga mga butang kag paglusot sa mga obstacles kag 45 kilometers nga dalagan.
Nahimo sini nga matapos ang race sa halos 10 ka oras.
Suno diri, sa pag-abot sa Nepal, 10 ka adlaw man ang mga ini nga naglakat agud maanad ang lawas sa katugnaw.
Aminado si Mahilum nga bisan siya ang nakapinsar sang rasun kun ngaa nagsulod ini sa tuman ka budlay nga kompetisyon.
Siya ang nakasuksok sang lima ka sampaw nga delargo kag pito ka sampaw nga jacket apang mabatyagan gihapon sini ang katugnaw.
Dugang pa nga bangod sa elevation sang Mt Everest kag sa kadamol sang panapton, siya ang halos indi man makaginhawa nga gindugangan pa sang pagpaman-ol sang iya nga mga tudlo kag joints.
Madamo man sang mga partisipante ang wala nakadayun bangod sa high altitude sickness.
Bisan siya ang nagdugo man ang nawala nga mata nga santo sa doktor bangod sa siya ang indi anad sa mataas nga elevation.
Sa karun ginahulat pa sang mga ini ang assessment sa nangin hampang kun makabahin sa Guiness World Record ang nasambit nga kompetisyon ukon ang kadasigon sa pagtapos sini sa kompetisyon.
