Nakakita kana bala sang tawo nga ginsaniban? Ginkakibot sang Volusia County Sheriff sa Florida, USA sang ila ginparahan ang isa ka salakyan, bangod ang angkas sini ang kaangay nga nasudlan sang malain nga espirito. Naga li-ad kag naga-alalawas ang lawas sang lalaki sa bentana sang salakyan gani dali-dali man ini nga gin-alalayan sang mga kapulisan tubtob nga nakapungko ini sang maayo...

Ginkaakig sang mga Indian fans sang American rock band nga Coldplay ang tuman ka taas nga presyo sang ila nga concert tickets. Magapatigayon sang tatlo ka adlaw nga concerts ang banda sa bulan sang Enero sa masunod nga tuig kag matapos nga gin-anunsyar ang pagbaligya sang tickets ang madasig ini nga naubos sa sulod sang pila ka minuto. Madamo sang fans...

Nakahanda nga luwason ni former world champion Gennady Golovkin ang boxing agud nga indi pagkakason sa Los Angeles Olympics sa maabot nga tuig 2028. Ginpili si Golovkin bilang Olympic commission chair nga makighinun-anon sa International Olympic Committee agud indi pagkakason ang sport nga boxing sa Olympics. Prayoridad sini nga mapabilin ang boxing bilang Olympic sports. Si Golovkin ang Olympic silver medalist sang...

Madugangan naman ang kabudlayan sang mga motorista matapos nga subong nga adlaw nagpatuman naman sang oil price hike nga nagmarka sang ikaduha na ka semana para sa gasolina kag diesel apang una nga semana para sa kerosene. Sa advisory, nagpatuman ang Shell Pilipinas Corporation sang P0.45 nga pagsaka sa kada litro sang gasolina; P0.90 sa kada litro sang diesel; P0.30...

Ginpahayag ni Hezbollah deputy leader Naim Qassem nga preparado ang grupo nga atubangon ang maskin ano nga Israeli ground operation kag nagpaandam nga ang pag-ilinaway ang posible nga magdugay. Suno kay Qassem, ang Hezbollah ang magapili sang bag-o nga pinuno matapos nga ginpatay sang Israel ang leader sang grupo nga si Hassan Nasrallah sa isa ka airstrike sang Biyernes. Suno diri,...

Indi magnubo sa 100 ka mga persona ang nagkalamatay matapos ang paglaslas sang Hurricane Helene sa nakatungdan-nasidlangan sang Estados Unidos nga gintunaan sang pagbaha. Ginatinguhaan sa karun ang pagpatigayon sang rescue operations agud pangitaon ang mga survivors kag magdeliver sang supplies sa palibot sang Florida, Georgia, North Carolina, South Carolina kag Tennessee sa mga areas kun sa diin naapektuhan sang...

Indi pabor ang Philippine National Police (PNP) nga magpabilin sa ila custodial center si Kingdom of Jesus Christ (KOJC) leader Pastor Apollo Quiboloy. Suno kay PNP spokesperson Col. Jean Fajardo, ang mga naaresto nga mga indibidwal ang dapat napriso sa mga pasilidad sang Bureau of Jail Management and Penology (BJMP). Ginpaanggid ni Fajardo ang kaso ni dismissed Bamban, Tarlac Mayor Alice...

Nagpahanumdum ang Commission on Elections sa mga magafile sang ila certificate of candidacy nga sundon ang rules sang Comelec agud malikawan ang mga problema sang ila candidacy. Ang Comelec ang nag-issue sang mga pahanumdum kahapon, ang eve sang labing una nga adlaw sang filing sang COCs. Ang Comelec main office ang magapatigayon sang filing site sa Manila Hotel Tent City kag...

Nag-evacuate ang mga residente sa norte nga bahin sang Pilipinas kag kanselado ang klase kasubong man ang byahe sang barko sa apektado nga mga areas bilang pagpangaman sa halit nga matuga sang Bagyo Julian. Wala naman sa karun sang immediate reports sang casualties ukon halit. Nagpaandam ang weather agency sang moderate tubtob sa high-risk nga makamamatay nga storm surge sa masulod...

Pilason ang 43 anyos nga lalaki matapos ginluthang sang wala pa nakilal-an nga suspetsado sa sitio Anahaw, Barangay Carabalan ciudad sang Himamaylan, Negros Occidental alas 8:00 sang gab-i sang Domingo, Setyembre 29. Ang biktima ang ginkilala nga si Renalde Dagodog, 43 anyos, mamumugon kag pumuluyo sang Sitio Tigbaw, Barangay Buenavista sa nasambit nga ciudad. Sa interview sang Bombo Radyo kay Police...