Ginkumpirmar sang spokesperson sang Negros Electric and Power Corp (NEPC) nga preparado na ang electrical supplies kag equipments sa pagkay-o sang kinahanglan nga kay-uhon sang Central Negros Electric Cooperative (CENECO).
Sa interview sang Bombo Radyo Bacolod kay Jonathan Cabrera, ang suppliers sang NEPC ang nakahanda na sa pagdeliver sang mga electrical materials kaangay sang brand new nga transformers, electrical wires, bag-o nga still poles kag bag-o nga concrete arms.
Suno kay Cabrera, ang mga salakyan naman ang initial nga ideploy sang MORE Power ang ila nga sister company sa ciudad sang Iloilo.
Suno diri, ang mga opisina sang NEPC sa ciudad sang Bacolod ang nakahanda naman kag nakaschedule para sa blessing sa masunod nga semana.
Suno kay Cabrera ang purpose nga nagsulod ang NEPC sa CENECO agud nga mapabakod kag mangin efficient kasubong reliable ang paghatag sang serbisyo sa mga konsumidor sa ciudad sang Bacolod kag pila kabahin sang probinsya sang Negros Occidental.
Nagpanugyan man ini nga ang pagrehabilitate kag pagpahagan-hagan sang brown-out ang nagakinanglan sang nagakaigo nga tion kag indi overnight.
