Ginpanginwala ni Negros Occidental Governor Eugenio Jose ‘Bong’ Lacson ang mga alegasyon nga siya ang nagtake oath na sa Partido Federal ng Pilipinas (PFP).
Sa interview sang Bombo Radyo Bacolod kay Lacson, siya ang isa sa mga founding member ang National People’s Coalition (NPC) humalin sang 1992 kag siya ang wala sang plano nga magbaylo sang political party.
Dugang pa sini nga siya ang loyal member sang partido kag indi na sini luyag pa nga magsaylo ilabi na sa ulihi sini nga termino bilang gobernador
Ang PFP ang partido ni President Ferdinand ‘Bongbong’ Marcos Jr.
Aminado si Lacson nga may open letter gid man nga ginpadala sa tanan nga gobernador bilang imbitasyon sa pagsulod sa PFP.
Paathag sang gobernador nga indi na sini kinahanglan magsulod pa sa PFP bangod may alliance naman ang NPC, Lakas–CMD kag National Unity Party (NUP) sa PFP gani siya ang magasuporta man sa lihok sang administrasyon.
Paathag sini nga bangod sa alyansa, isa nalang ang dereksyon sang nasambitan nga mga partido para sa 2025 Midterm Elections kag 2028 Presidential Elections.
