Nagpanugyan si Negros Occidental Governor Eugenio Jose “Bong” Lacson sa mga Negrosanon nga padayon nga magpangamuyo para sa kaluwasan sang tanan matapos ang paglupok sang Bulkan Kanlaon.
Sa mensahe sang gobernador, ginpahayag sini nga ang prayoridad sang Provincial Government amu ang kaluwasan kag ikaayo sang mga pumuluyo.
Suno sa iya, ginpasaka na sa Blue Alert ang Provincial Disaster Risk Reduction and Management Council Emergency Operations Center.
Ang response lakip na ang Camp Coordination kag Camp Management, Food kag Non-Food, Logistics, Search, Rescue kag Retrieval, Health, Law and Order, ang gin-activate agud nga mahandle ang mga emergency situations.
Panugyan sini sa mga yara sa mga lugar nga nagakinahanglan sang evacuation, magkoordinar sa mga barangays kag local government units kag magpamati sa mga official channels.
Suno diri, kaupod ang proper coordination kag impormasyon, sarang nga mamanage ang sitwasyon.
Kagab-i, gincancel man ang flights sang mga eroplano halin kag padulong sa Bacolod.
