Siyam ang nadugang sa kaso sang COVID-19 sa ciudad sang Bacolod kahapon samtang 47 naman ang nadugang sa probinsya sang Negros Occidental.
Sa case bulletin no. 218, nakarecord sang 125 nga dugang sa kaso ang Wester Visayas nga ginalakipan sang 47 sa Negros Occidental, 38 sa Iloilo Province, 27 sa Iloilo City, siyam sa Bacolod City samtang tatlo naman ang sa Capiz.
Ang kabug-usan nga kaso nga narecord sa Western Visayas ang nagdangat na sa 16,765 nga may 3,046 nga active cases.
Nagdangat naman sa 13,331 ang kabug-usan nga nakarecover sa pagdugang sang 248 kahapon kag ang nagtaliwan ang nagdangat na sa 388.
Ang kabug-usan naman nga nakarecover sa Bacolod ang nagdangat na sa 4,401 samtang yara naman sa 126 ang nagtaliwan.
Ang Negros Occidental naman ang nakarecord na sang 3,039 nga nakarecover kag 79 nga nagtaliwan.
Sa karun, nagdangat na ang kabug-usan nga kaso sang Bacolod City sa 4,805 kun sa diin 4,404 diri ang local cases kag 278 naman ang nagapabilin nga active cases.
Ang probinsya sang Negros Occidental naman ang nakarecord na sang kabug-usan nga 4,661 nga kaso kun sa diin 3,641 diri ang local cases samtang yara naman sa 1,543 ang nagapabilin nga aktibo nga kaso.
