Nakabaton ang probinsya sang Negros Occidental sang positibo nga feedback sa nangin maayo nga pag-host sini sang Western Visayas Regional Athletics Association (WVRAA) Meet 2024.
Suno kay Governor Eugenio Jose ‘Bong’ Lacson, madamo sang positive comments nagikan sa iban nga probinsya angot sa opening ceremony kag preparasyon sang Negros Occidental sa pag-akomodar sa mga delegates.
Suno kay Lacson, may yara pa sang naghambal nga ginpasaka sang Negros Occidental ang standards kun paano maghost ang isa ka probinsya.
Madumduman nga nagbukas ang WVRAA Meet sang Mayo 2 kag nagtakop ang hinampang sang Mayo 7.
Ang opening kag closing ceremonies kag pila ka hinampang ang ginpatigayon sa Panaad Park and Stadium.
Sa over-all medal tally, kampeon ang Iloilo samtang nagpangaduha naman ang probinsya sang Negros Occidental sa elementary kag secondary level.
