Napilian ang probinsya sang Negros Occidental bilang host sang 2027 International Federation of Organic Agriculture Movements (IFOAM) – Organic World Congress.
Sa ginpatigayon nga pagtililipon sa Taiwan, duha ang nagbid bilang host sang Organic World Congress, ang Negros Occidental para sa Pilipinas kag Brisbane, Australia kun sa diin ang Negros Occidental ang nakakuha sang 128 ka boto samtang ang Australia ang may 92 ka boto.
Ginalauman sa karun ang pagpadulong sa pungsod sang linibo ka mga organic farmers kag producers, advocates, researchers, experts sa organic farming, kag iban pa.
Ang Negros Occidental ang una nga probinsya sa pungsod nga magahost sang Organic World Congress.
Ginpangunahan ni Governor Eugenio Jose ‘Bong’ Lacson ang pagbaton pasidungog para sa probinsya.
Yara man didto kahapon sa Taiwan sanday Victorias City Mayor Javi Benitez, La Castellana Mayor Rhummyla Nicor-Mangilimutan, Manapla Mayor Mayor Manolet Escalante, Cadiz City Salvador Escalante, Moises Padilla Mayor Ella Celestina Garcia-Yulo, Ilog Mayor John Paul Alvarez, Hinoba-an Mayor Daph Anthony Reliquias, Pontevedra Mayor Jose Maria Alonso, EB Magalona Mayor Marvin Malacon, mga board members kag iban pa.
