Napaidalom na sa Tropical Cyclone Wind Signal no. 1 ang bilog nga Negros Island Region bangod sa epekto sang Bagyo BASYANG.
Nahibaluan nga nagsanyog sa Tropical Storm category ang Bagyo alas-8:00 kagab-i.
Ang sentro sang Bagyo ang ulihi nga nasiplatan sa 440 km East sang Hinatuan, Surigao del Sur.
Namintinar sini ang kabaskugon sang hangin nga nagadangat sa 65 km/h kag pagmadlos nga tubtob 80 km/h.
Ang Bagyo BASYANG ang nagahulag sa West Southwestward nga dereksyon padulong sa Eastern Mindanao sa kadasigon nga 15 km/h.
Yari ang mga lugar nga ginpaidalom sa Tropical Cyclone Wind Signals:
SIGNAL NO 2
MINDANAO
-Surigao del Norte kalakip ang Siargao kag Bucas Grande Islands
-Surigao del Sur
-Extreme northern portion sang Davao Oriental
-Agusan del Norte
-Agusan del Sur
-Misamis Oriental
-Northern portion sang Bukidnon, kag
-Camiguin
SIGNAL NO 1
VISAYAS
-Negros Oriental
-Negros Occidental
-Siquijor,
-Southern portion sang Eastern Samar
-Southern portion sang Samar
-Biliran
-Leyte
-Southern Leyte
-Bohol
-Cebu
-Guimaras
-Iloilo
-Capiz
-Southern portion sang Aklan, kag
-Central and Southern portions sang Antique
MINDANAO
-Dinagat Islands
-Northern and Central portions sang Davao Oriental
-Davao de Oro
-Davao del Norte
-Northern portion sang Davao del Sur
-Nabilin nga bahin sang Bukidnon
-Northern portion sang Cotabato
-Lanao del Sur
-Northern portion sang Maguindanao del Norte
-Lanao del Norte
-Misamis Occidental
-Eastern and Central portions sang Zamboanga del Norte
-Northern and Central portions sang Zamboanga del Sur, kag
-Northern portion sang Zamboanga Sibugay
Sa karun ang Bagyo BASYANG ang nagahulag sa west southwestward nga dereksyon.
Ini ang ginalantaw nga magahulag generally sa nakatungdan nga dereksyon sa masunod nga 24 oras antes magliko sa west northwestward nga dereksyon bwas sa aga.
Ginalantaw nga ang sentro sang Bagyo ang una nga magalandfall sa Surigao del Sur karun sa gab-i ukon bwas sa kaagahon.// Ini ang magatabok sa Mindanao, kag ginalantawnga maglapos sa Bohol Sea bwas sa aga.
Ang Bagyo ang magalabay man malapit sa Siquijor kag mahimo nga liwat nga maglandfall sa southern portion sang Negros Oriental bwas sa hapon.
Bwas sa gab-i ukon sa Sabado sang kaagahon, ginalauman nga ini ang makalapos na sa Sulu Sea, kag magadangat sa northern portion sang Palawan sa Sabado sang hapon ukon sa gab-i.
Ginalantaw nga magabaskog pa ang Bagyo BASYANG antes ang initial landfall, apang amat-amat man nga magahuyang sa paglabay sa kadutaan, apang mahimo nga mapabilin sini ang kabaskugon bilang tropical storm.
Apang ginalantaw nga ini ang magahuyang sa tropical depression category sa Sabado tubtob nga magdowngrade sa low pressure area sa Lunes.
