Ginpaidalom na sa state of calamity ang probinsya sang Negros Oriental bangud sa coronavirus disease pandemic.
Kaina, isa ka resolusyon ang ginpasar sang Provincial Risk Reduction and Management Council sang Negros Oriental nga nagadeklarar sang state of calamity.
Nahibaluan nga kahapon, nagtaliwan na ang 64-anyos nga konsehal sa Tayasan, Negros Oriental nga nagpositibo sa COVID-19 matapos magtambong sa Philippine Councilors League convention sa Metro Manila.
Epektibo naman alas-12:01 sang kaagahon bwas, siraduhon na ang tanan nga border, ports kag airports sa Negros Oriental tubtub Abril 14.
Bangud sini, restricted ang pagsulod sang mga indibidwal sa Negros Oriental magluwas lamang sa duly identified residents sang probinsya, health workers responding to emergency, mga miyembro sang PNP, PCG, BFP kag tanan nga branches sang AFP, persons traveling for urgent medical or humanitarian reasons, kag ang mga tawo nga nagatransport sang essential goods, supplies kag medicines.
Indi naman makasulod sa Negros Oriental ang indi residente nga may yara ukon wala sang sintomas sang COVID-19.
Pahanugutan naman ang returning residents sang probinsya nga may yara ukon wala sang sintomas sang masakit apang sila ang required nga magpresentar sang valid ID, icheck kun may sintomas sang masakit kag ipaidalom man sa 14-day home quarantine.
Ginpalawig naman ang suspension sang klase sa tanan nga lebel sa private kag public academic institutions until further notice.
Samtang, kanselado naman ang tanan nga air kag sea travel sa Negros Oriental humalin bwas sa kaagahon.
