Naghatag sang suporta ang Negros Electric and Power Corp. (NEPC) sa mga residente nga apektado sang Bagyong Tino pinaagi sa pagdonar sang 100 ka sako nga bugas (25kg kada sako), nga gin-turnover sang Nobyembre 17, 2025.
Ang mga bugas nga ginpanghatag ang personal nga ginbaton ni Arnel Argusar, General Services Department Head sang probinsiya sang Negros Occidental.
Ginrepresentar ang Negros Power nanday Atty. Warven Ilalim, Ronald Reosura, Community Relations Officer, kag Klea Marie Tolones, sa paghatag sang bulig sa mga Negrense sa tunga sang mabudlay nga tion.
Si Engr. Bernard Bailey Del Castillo, Chief Technical Officer kag Chief Operating Officer sang Negros Power, ang nagpahayag sang suporta sang kumpanya sa mga apektado sang bagyo.
“Our hearts go out to all Negrenses who continue to suffer from the effects of Typhoon Tino. This donation is a small gesture of our support, and we remain committed to doing our part in helping communities rebuild and recover.”
Ini nga inisyatibo kabahin sang padayon nga paningkamot sang Negros Power sa pag-suporta sa mga lugar nga apektado sang kalamidad kag sa pagpabakod sang adbokasiya sa pag-atipan sang komunidad, kag pagserbisyo.
