Nagpromisa ang opisyal sa Negros Electric and Power Corporation (NEPC) nga mabalik ang kuryente sa tanan nila nga area of responsibility antes matapos ang subong nga semana.
Sa interview sang Bombo Radyo Bacolod kay Engr Leomel Tambanillo, Assistant Vice President for Planning and Business Operation sang Negros Power, alas-7:00 kagab-i yara pa lamang sa 15 percent ang ila nga na-energize nga pamalay, apang kaina sang kaagahon ini ang napasaka na sa 36 percent.
Suno diri, sa ila prioritization, gin-una nila kay-o ang subtransmission lines, nga sa karun fully energized na.
Sa mga feeders, 30 na gikan sa 37 ka mga feeders ang amat-amat nga na-energize.
Nagapangayo sang paghangop si Tambanillo bangod halos tanan ang apektado kag ang Negros Power ang may sakop nga apat ka ciudad kag duha ka banwa.
Ang dako nga kabudlayan para sa mga nagatrabaho amo ang nagkaladamage nga poste sa tunga sang mga kakampuhan.
Apang pasalig sini nga segi-segi ang ila pagtrabaho kun sa diin ang mga personnel ang nagaduty sang tig-12 oras ukon masobra pa agud mapadasig ang pagpabalik sang kuryente.
May augmentation man nga ginalauman gikan sa More Power kag Bohol Power.
