Nagpasalig ang Negros Power Meter Read and Bill Manager sa mga kunsomidor nga gina-adjust man ang due date sang bill sa tion nga late na mahatag ang ila nga electric bills.
Sa interview sang Bombo Radyo Bacolod kay Alfredo Dioso Jr, ginpahayag sini madamo sang mga rason kun ngaa nagakadelay ang pagpadala sang mga electric bill sa mga consumers.
Suno kay Dioso, pila sa mga rason nga nagakadelay ang pagpadala sang electric bill amo nga mga ang mga electric meters ang indi na mabasa gani ang opisina na sang Negros Electric and Power Corporation (NEPC) ang naga-issue sang bill kag average lamang ang ginasukot sa mga konsumidor.
Suno diri, ginaextend man ang deadline sang pagbayad sang bill.
Ang pagdeliver sang electric bill ang may yara sang proof of delivery kag indi magkabalaka ang mga konsumidor bangud nakarecord sa Negros Power kun san-o nadeliver ang bill.
Samtang gintinguhaan man nga maislan sang Negros Power ang tanan nga electric meters agud nga insakto ang electric bill bangud ini ang sales man nila.
Sang tinalikdan 1,500 na ka electric meters ang naislan apang may yara man sang nagasunod nga nagakaguba nga kinahanglan nga islan.
