Yara na sa 98.83 percent ang naenergized nga kuryente sang Negros Electric and Power Corporation (NEPC) sa bilog sini nga franchise area matapos ang paglaslas ni bagyo Tino.
Suno kay Engr Bernard Bailey Del Castillo, chief operation officer sang NEPC, lauman nga fully energized na ang tanan sa Miyerkules kag sa Huwebes kag Biyernes may yara na lamang sang mga finishing touch.
Suno diri, nagdangat sa kapin 600 ka mga poste ang nagkalatumba kag may problema kag ini isa-isa nga ginkay-o kag iban diri nahamtang pa sa remote areas nga mabudlayan sudlon kun sa diin ang kada isa ka poste nga ginakay-o nagalab-ot sa lima tubtob anum ka oras.
Samtang may iban man nga balay nga indi mahatagan dayon sang kuryente matapos madamaged kag indi safe nga butangan sang kuryente.
Ginapasalamatan sini ang tanan nga nagbulig halin sa Cagayan nga nagpadala sang linemen kag heavy equipment, Iloilo nga nagpadala sang 40 ka linemen kag Bohol nga may napulo ka linemen.
Tubtob sa karun yara pa diri sa probinsya ang mga linemen kag sila mahimo nga papulion sa Biyernes ukon sa Sabado.
Pahayag ni Del Castillo, uboson na subong nga semana ang tanan nga kalay-ohon agud matapos na kag mahatagan na ang tanan sang kuryente.
