Maga-abanse sa quarterfinals si Nesthy Petecio matapos nalutos si Amina Zidani sang France sa round of 16 sang women’s 57kg division sa 2024 Paris Olympics kaina sang kaagahon.
Apisar nga nangin mahinay ang panugod sang Tokyo Olympics silver medalist sa first round, iya naman gindominar ang second round kag third round rason kun ngaa nakuha sini ang scorecards sang lima ka mga judges.
Sa kabug-usan, apat ka mga judges ang nagpabor kay Petecio samtang isa naman kay Zidani.
Nangin masubo ini nga kapierdihan para kay 30-anyos nga French boxer nga gincheer sang mga home fans sa bilog nga tatlo ka round.
Isa na lamang ka kadalag-an ang kinahanglan ni Petecio agud makakuha sang guaranteed nga medalya sa Paris Olympics.
Siya ang magacompete sa Domingo sang gab-i batok kay Xu Zichun sang China.
