Luyag sang National Food Authority (NFA) nga makuha ang 100 percent nga drying capacity para sa rice buffer stock sang Pilipinas sa masunod nga tuig.
Plano sang NFA nga magbakal sang 900,000 metric tons sang humay gikan sang mga lokal nga mangunguma nga bastante na agud mapabilin ang 15 nga adlaw nga buffer stocks sang bugas sang pungsod para sa tion sang emerhensya ukon kalamidad.
Suno kay NFA Administrator Larry Lacson, madamo sang modernized rice processing center ang ila igalunsyar sa tunga-tunga sang 2026 kun sa diin ginalauman nga mangin operational ang mga ini antes matapos ang masunod nga tuig.
Pahayag ni Lacson nga ang mga nasambit nga tikang ang kabahin lang sa malapnagon nga kampanya sang gobyerno nga mapabaskog ang food security kag mapahagan-hagan ang kapyerdehan sang mga lokal nga mangunguma.
